Roberto Firmino ende e ka të paqartë të ardhmen e tij, nëse do të qëndroj te Liverpooli apo do të largohet për një eksperiencë të re.
Sulmuesi brazilian është futur në vitin e fundit të kontratës me The Reds dhe ende nuk e ka rinovuar atë, përkundër që ka ofertën në tavolinë nga klubi anglez.
31-vjeçari ka oferta të shumta nga klube angleze, italiane, spanjolle dhe gjermane dhe kjo është arsyeja pse nuk po merr ende një vendim.
Daily Mirror ka raportuar se së fundmi Atletico Madrid është bashkuar në garë për Firminon, me trajnerin Diego Simeone që e pëlqen shumë brazilianin.
Reprezentuesi brazilian nuk është një titullar i rregullt te The Reds, përkundër nëntë golave e katër asistimeve në 22 ndeshje këtë edicion.
Gjasat janë më të mëdha që ai të largohet në verë si transferim i lirë, derisa skuadrat si Inter, Juventus, Borussia Dortmund, Atletico Madrid dhe Barcelona janë duke monitoruar situatën e tij.
Firmino është pjesë e Liverpoolit që nga viti 2015, kur iu bashkua nga skuadra gjermane Hoffenheim. /Telegrafi/