Juventusi ka bërë një goditje të madhe, duke marrë shërbimet e sulmuesit serb Dusan Vlahovic, edhe pse mungon zyrtarizimi.
Por 70 milionët që do të shpenzohen për blerjen e sulmuesit duhet të nxirren dhe Zonja e Vjetër po mendon shitjen e një ylli.
Më së shumti rrezikon mbrojtësi holandez Matthijs de Ligt, i cili mund t’i sjell të ardhura të mëdha kampionëve të shumëfishtë të Italisë.
Mediat e ndryshme në Itali kanë raportuar se Zonja e Vjetër është gati ta shes holandezin në mënyrë që të gjenerojë të ardhura.
E ardhmja e qendërmbrojtësit të talentuar është mes kampionatit spanjoll La Liga dhe atij anglez Ligës Premier.
Barcelona dhe Chelsea janë dy skuadrat më të interesuara për t’i marrë shërbimet e lojtarit dhe janë gati të shpenzojnë deri në 60 milionë euro për të.
Juve është gati ta shes edhe në janar De Ligtin, por nëse nuk ka tani ofertë atëherë shitja e tij në verë duket mëse e sigurt. /Telegrafi/