Sulmuesi i Romës, Edin Dzeko thuhet se ka dalë si një objektiv serioz i sulmit për Juventusin këtë verë.
Trajneri i Juves, Maurizio Sarri dëshiron një tjetër numër 9 në skuadrën e tij, me Gonzalo Higuain që pritet të largohet në fund të sezonit.
Tani, gazeta Tuttosport pretendon se Juventusi mund të përmbushë dëshirën e Sarrit për të sjellë Dzekon, një lojtar që trajneri e ka admiruar gjithmonë.
Roma aktualisht është duke duruar vështirësi financiare, të cilat mund të lehtësohen nga shitja e yllit të tyre boshnjak.
Gazeta shton se të dy klubet tashmë janë thelluar në negociata, duke marrë parasysh që Zonja e Vjetër është gjithashtu e interesuar për lojtarin e ri Riccardo Calafiori.
Dzeko, i cili mbushi 34 vjet në muajin mars, ka 17 gola dhe nëntë asistime në 35 ndeshje deri më tani këtë sezon.
Sidoqoftë, Roma thuhet të jetë në mbyllje të një transferimi falas për Edinson Cavanin, i cili do të zëvendësonte në mënyrë efektive Dzekon. /Telegrafi/