Paulo Dybala ka vazhduar shkëlqimin me fanellën bardhezi edhe në ndeshjen e Kupës ndaj Atalantas.
Argjentinasi është rikuperuar totalisht nga dëmtimi, ku shënoi një super gol në këtë ndeshje.
Ai ka sqaruar të ardhmen e tij duke konfirmuar vazhdimin e kontratës me Juventusin.
“Numri 10 do të më pëlqente shumë që ta mbaja, por tashmë unë kam një numër të rëndësishëm”.
“Topi i Artë ka kohë. Unë jam 23 vjeç dhe kam shumë gjëra për të përmirësuar si fizikun dhe goditjet me të djathtën”.
“Barcelona apo Real Madrid? Nuk e di për çfarë po flisni. Unë do të rinovoj me Juven. Shumë shpejt menaxheri im do vijë në Torino dhe do firmos kontratën e re me klubin” , ka thënë Dybala duke qetësuar tifozët bardhezi. /Telegrafi/
