Telegrafi

Drejtori sportiv i Interit zbulon kushtin e vetëm me të cilin do ta nënshkruante sërish Lukakun

Drejtori sportiv i Interit, Piero Ausilio e ka pranuar se do të nënshkruante sërish me sulmuesin Romelu Lukakun, por vetëm në formë huazimi.

Lukaku u kthye te Chelsea nga Interi në një marrëveshje prej 115 milionë euro verën e kaluar.

Sulmuesi belg kishte shënuar 64 gola në 95 ndeshje me gjigantët e Serie A, duke qenë njëri nga më meritorët në fitimin e Scudettos nga Interi.

Lexo po ashtu Agjenti i Lukakut befason të gjithë, thotë se një rikthim në Inter mund të ndodhë

Agjenti i tij Federico Pastorello pretendoi javën e kaluar se Lukaku do të kthehej në Serie A një ditë pasi është i dashuruar me Italinë, teksa Ausilio ka treguar se a do ta nënshkruante sërish te Interi.

“Po, por vetëm në huazim”, ka thënë drejtori sportiv i Interit duke buzëqeshur gjatë një interviste për Sky Sport Italia.

Ndryshe, Lukaku e nisi mirë sezonin te Blutë e Londrës, por një lëndim i shpejt e ka ndalur formën e tij, duke bërë që tifozët ta cilësojnë si transferim të dështuar. /Telegrafi/