Presidenti i Napolit, Aurelio De Laurentiis zbulon se ai hodhi poshtë ofertat nga Interi, Milani dhe Juventusi për Marek Hamsik.
Mesfushori sllovak është një ikonë e klubit nga San Paolo, pasi ka plot 11 vite me fanellën e Napolit.
Hamsik është shënuesi më i mirë i të gjitha kohërave për Napolin me 120 gola duke lënë pas vete legjendën Diego Maradona me 115.
Fantazisti gjithashtu është lojtari me më shumë paraqitje në histori të Napolit, duke djersitur fanellën në 513 raste.
Forma e tij e jashtëzakonshme në dekadën e fundit ka bërë që Hamsik të kërkohet me ngulm nga skuadrat e mëdha italiane.
Megjithatë, presidenti De Laurentiis ka treguar se ka refuzuar ofertat nga Interi, Milani dhe Juventusi për shërbimet e sllovakut.
“Ish-Presidenti i Interit Massimo Moratti më pyeti për të [Hamsik] shumë vite më parë”, ka thënë fillimisht De Laurentiis për Sky.
“Pastaj trajneri Max Allegri si në Milan ashtu edhe në Juventus. Por, ai qëndroi me ne, pasi i refuzova të gjithë, përfundoi presidenti i Napolit. /Telegrafi/