Coronavirusi mund të ketë anën pozitive te klubet nga Liga Premier që duan ta pasurojnë akademinë e tyre me lojtarë të talentuar.
Pandemia tashmë ka anuluar të gjitha aktivitetet sportive, mirëpo nuk ka arritur të ndale idenë dhe planet se si të veprohet më pas.
Klubet nga Liga Premier do të kenë shansin që të transferojë lojtarë të rinj nga ligat më të ulëta në Angli shkaku i coronavirusit, raporton Daily Mail.
Kjo gjë mund të ndodhë për shkak të humbjeve financiare që kanë filluar t’i pësojnë të gjitha klubet nëpër botë dhe do të detyrohen të shesin lojtarët me çmim më të ulët.
Natyrisht se një gjë e tillë pritet të ndodhë në mënyrë që t’i mbulojnë të gjitha humbjet që kanë pësuar nga fillimi i karantinës deri në fund. /Telegrafi/