Pas Romelu Lukakut, ka sugjerime se Chelsea mund të shpenzojë 130 milionë euro për tre lojtarë të Interit: Milan Skriniar, Denzel Dumfries e Cesare Casadei.
Klubi anglez është lidhur me të tre këta lojtarë, mirëpo ideja për të arritur marrëveshje të trefishtë, vërtet do të bënte ndryshim në tregun e transferimeve.
Dy klubet kanë raporte të mira dhe këtë e kanë dëshmuar me marrëveshjet për Lukakun – blerjen dhe huazimin prapa.
🔥#Inter – il #Chelsea può affondare il colpo per tre giocatori: 130 milionihttps://t.co/Jd0xh7PWKD
— calciomercato.it (@calciomercatoit) August 1, 2022
Sipas Calciomercato.it, bisedimet për mbrojtësin Skriniar po vazhdojnë për një shumë prej 70 milionë eurosh.
Mbrojtësi i krahut Dumfries mund të kushtojë rreth 40 milionë euro (edhe pse kërkesa është 50 milionë), kurse edhe mesfushori Casadei vlerësohet lartë, duke qenë se tashmë është refuzuar një ofertë prej tetë milionë eurosh. Që të tre do të kushtonin rreth 130 milionë euro. /Telegrafi/