Barcelona është e etur për të siguruar mesfushorin e Wolverhampton Wanderers, Ruben Neves, si zëvendësues të Sergio Busquets.
25-vjeçari i talentuar ka qenë prej kohësh i lidhur me klubet kryesore evropiane, duke përfshirë Manchester United dhe Arsenal në Angli.
Megjithatë, ylli portugez i Wolves tashmë ka edhe një skuadër që është vënë pas tij dhe klubet angleze do të kenë konkurrencë të fortë.
Sipas gazetës Mundo Deportivo, Barcelona e do Nevesin dhe është e gatshme të paguajë rreth 50 milionë euro për të siguruar shërbimet e tij.
Mesfushori portugez ka krijuar një partneritet të shkëlqyer me bashkëkombësin e tij, Joao Moutinho, duke mposhtur shpesh mesfushat e skuadrave më të mira në Ligën Premier dhe paraqitjet e tij e kanë bindur Barcelonën.
Neves ka të ngjarë të jetë në shënjestër të Barcelonës nëse ata nuk mendojnë se ka një lojtar të ekipit të të rinjve mjaftueshëm të mirë për të marrë drejtimin nga Busquets në një ose dy vitet e ardhshme. /Telegrafi/