Telegrafi

Barcelona i kërkon Juventusit shkëmbimin De Ligt-Arthur

Barcelona thuhet se shpreson të përfitojë nga interesi i Juventusit për mesfushorin Arthur dhe ta shkëmbej atë me mbrojtësin Matthijs de Ligt.

De Ligt hodhi poshtë një ofertë nga Barcelona për t’u bashkuar me Juventusin verën e kaluar.

Por, sipas gazetës katalunase Mundo Deportivo, Barcelona mbetet shumë e interesuar për mbrojtësin holandez.

Lexo po ashtu Barcelona e Juventusi projektojnë shkëmbimin Arthur – Pjanic

Gazeta raportoi dje se si të dy klubet po planifikonin të zhvillonin bisedime transferimi në të ardhmen e afërt, të shkaktuar nga interesimi i Bianconerëve për Arthur.

Sidoqoftë, paralajmërohet se liderët e La Ligas janë ‘të gatshëm’ për të lënë mesfushorin të largohet dhe për këtë arsye mund të kërkojnë De Ligt në këmbim.

Mundo Deportivo shton se ish-ylli i Ajaxit po ‘pret me padurim’ negociatat e mundshme dhe ‘nuk e ka fshehur kurrë dëshirën e tij’ për të luajtur për Barcën.

20-vjeçari, i cili nënshkroi për Juventusin në një marrëveshje prej 85.5 milionë eurosh verën e kaluar, ka bërë 27 paraqitje këtë sezon, duke shënuar dy gola.

Me Giorgio Chiellini tani 36 vjeç dhe Leonardo Bonucci gati të mbush 33 vjeç, ai konsiderohet të jetë trashëgimtari i tyre afatgjatë në mbrojtjen qendrore, por De Ligt nuk ka arritur të ambientohet mirë në klubin nga Torino. /Telegrafi/