Barcelona thuhet se po merr në konsideratë shitjen e sulmuesit uruguaian, Luis Suarez dhe kjo ka alarmuar skuadrat e mëdha nga Liga Premier.
Është sugjeruar nga mediat që Ousmane Dembele do të ishte sulmuesi i flijuar nga menaxhmenti i Barcelonës në rast transferimi të Antoine Griezmann nga Atletico Madrid.
Por, tani ka lajme se Barcelona mund të kërkoj të holla nga shitja e Suarezit në rast së nënshkruhet Griezmann këtë verë.
Sipas mediumit TV3, Suarez do të jetë lojtari i vendosur për shitje në qoftë se Griezmann ‘rrëmbehet’ nga Los Colchoneros.
Barça mund të nënshkruajë me sulmuesin francez për 100 milionë euro, e cila është klauzola e blerjes së vendosur brenda kontratës së Griezmann.
Ndërkohë, e ardhmja e Suarezit mund të lidhet me ish-trajnerin e Barcelonës, spanjollin Luis Enrique.
Asturiani është në bisedime me Chelsean dhe Arsenalin për një rikthim në futboll dhe e ardhmja e tij me shumë mundësi do të jetë Liga Premier.
Ndryshe, Suarez u bashkua me Barcelonën në 2014 nga Liverpooli dhe nga ai vit ka fituar gjithë trofetë e mundshëm, teksa ka shënuar edhe shumë gola. /Telegrafi/