Liga Premier ka vendosur të miratojë zyrtarisht dy ndryshime për vazhdimin e sezonit 2019/20 në kampionatin elitar të futbollit anglez.
Kampionati anglez pritet të rifillojë me 17 qershor dhe kjo mezi pritet nga tifozët dhe dashamirët e futbollit, edhe pse do të luhet pa tifozë.
Drejtuesit e Ligës Premier tashmë kanë bërë përgatitjet e nevojshme, ndërsa kanë bërë edhe disa ndryshime për të lehtësuar lojën.
“Aksionarët e Ligës Premier sot ranë dakord për ndryshime të përkohshme të rregullave që lidhen me lojtarët zëvendësues”.
“Për pjesën e mbetur të sezonit 2019/20, numri i zëvendësuesve që mund të përdoren gjatë një ndeshje do të rritet nga tre në pesë lojtarë”.
For the remainder of the 2019/20 season, Premier League clubs will now be able to make 5️⃣ substitutes instead of 3️⃣
The maximum number of substitute players on the bench has been increased from 7️⃣ to 9️⃣
Full statement on these temporary rule changes: https://t.co/PKVveZclca pic.twitter.com/9B5PE404wG
— Premier League (@premierleague) June 4, 2020
“Kjo është në përputhje me ndryshimin e përkohshëm të ligjit të bërë nga Bordi i Shoqatës Ndërkombëtare të Futbollit muajin e kaluar”.
“Aksionarët aprovuan gjithashtu që klubet të rrisin numrin maksimal të lojtarëve zëvendësues në bankinë nga shtatë në nëntë për pjesën tjetër të sezonit 2019/20”, thuhet në njoftimin e Ligës Premier. /Telegrafi/