Chelsea ka transferuar në mënyrë të përhershme mesfushorin kroat, Mateo Kovacic nga Real Madridi.
Kovacic ishte i huazuar në sezonin e fundit tek Blutë nga Real Madridi me një marrëveshje, ku blerja mund të behet e përhershme në fund të sezonit.
Klubi londinez ka vendosur të shfrytëzoj atë të drejtë dhe tashmë ka nënshkruar në mënyrë të përhershme me Kovacicin.
“Chelsea është i kënaqur të njoftojë se kemi përfunduar nënshkrimin e përhershëm të Mateo Kovacic nga Real Madrid”.
“Finalisti i Kupës së Botës me Kroacinë u transferua në Stamford Bridge në huazim verën e kaluar dhe ishte i rregullt në mesfushën tonë, duke na ndihmuar në triumfin në Ligën e Evropës dhe për vendin e tretë në Ligën Premier”.
“Kovacic tani ka nënshkruar një kontratë pesëvjeçare dhe do të jetë anëtar i skuadrës sonë për 2019/20”, thuhet në njoftimin e Bluve.
Detajet e transferimit nuk janë bërë të ditura, por sipas mediave angleze, Kovacic i ka kushtuar 45 milionë euro Chelseat. /Telegrafi/
.@Mateo_Kova23 is here to stay! 🙌
— Chelsea FC (@ChelseaFC) July 1, 2019