Real Madridi ka konfirmuar zyrtarisht rikthimin e Brahim Diaz, i cili për tri sezoni luajti në Serie A te Milani.
Spanjolli ka shkëlqyer në sezonet e fundit me Milanin, duke i ndihmuar në sezonin 2021/22 ta fitojnë Scudetton pas më shumë se një dekade.
Paraqitjet e tij të mira kanë bërë që Los Blancos ta rikthejnë Diazin në Santiago Bernabeu dhe të konfirmohet si pjesë e rëndësishme për sezonin e ardhshëm 2023/24.
💪 @Brahim 💪#BrahimIsBack pic.twitter.com/SngML4iyHs
— Real Madrid C.F. (@realmadrid) June 10, 2023
Është vet faqja zyrtare e klubit mbretëror që ka konfirmuar rikthimin e Diazit, i cili ka nënshkruar kontratë të vlefshme deri në vitin 2027.
“Real Madrid CF njofton se të martën, më 13 qershor, në orën 12:00 në Real Madrid City do të zhvillohet ceremonia e prezantimit të Brahim Diazit, i cili do të rikthehet si lojtar i klubit tonë deri më 30 qershor 2027, pas huazimit të tij për tre sezonet në AC Milan”, thuhet në njoftim.
Comunicado Oficial: Brahim Díaz.#RealMadrid | #BrahimIsBack
— Real Madrid C.F. (@realmadrid) June 10, 2023
Ndryshe, Diaz është lojtar i Real Madridit që nga janari 2019 dhe tashmë ka fituar 1 Ligë dhe 1 Superkupë të Spanjës me Los Blancos, përpara se të huazohej te Milani në shtator të vitit 2020.
Pas ceremonisë së prezantimit, Brahim Diaz do të dalë para mediave. /Telegrafi/