Anel Rashkaj është futbollisti më i ri i skuadrës së madhe kosovare, Prishtinës.
Klubi më i trofeshëm kosovar po vazhdon me përforcime të mëdha që pas dritës së gjelbër të dhënë nga UEFA për pjesëmarrje në garat e evropiane.
Pasi sollën sezonin e kaluar emra të mëdhenj si Armend Dallku, Debatik Curri dhe Ahmet Januzi, Prishtina tani ka ofruar edhe ish-kapitenin e Përfaqësueses së Kosovës, Anel Rashkajn.
Klubi kryeqytetas ka nënshkruar kontratë dy vjeçare me mesfushorin e njohur 27-vjeçar, i cili ka bërë karrierë të madhe në Skandinavi, te skuadrat suedeze e norvegjeze.
Pas nënshkrimit me Prishtinën, Rashkaj ka deklaruar se ka rënë dakord që një kohë të gjatë me klubin bardhekaltër, por i është dashur të pres deri te zyrtarizimi. /Telegrafi/
Komunikata e Prishtinës:
Anel Rashkaj – nënshkruan kontratë dyvjeçare
Pas bisedave të gjata të kryetarit Remzi Ejupi – Anel Rashkaj vendosi për Prishtinën
Prishtinë, 11 gusht, 2017 – Pas shumë bisedimeve të gjata, më në fund është arritur akordi për kontratë dyvjeçare ndërmjet FC Prishtina dhe ish-kapitenit dhe tani anëtarit të Përfaqësueses së Kosovës, Anel Rashkaj.
Anel Rashkaj, 27 vjeç, i lindur në Prizren më 19 gusht të vitit 1989 nga Kosova në Suedi kishte shkuar në moshën 14-vjeçare. Ish-futbollist i Halmstadit (2006-2012) ka luajtur edhe për 5 vite me Sandes të Norvegjisë (2012-2017), dhe së fundi ishte anëtar i klubit të elitës suedeze, AFC United Eskilstuna.
Për Përfaqësueses e Kosovës është paraqitur katër herë – ishte kapiten.
Rashkaj ka nënshkruar me Prishtinën kontratë dyvjeçare.
Vendim aspak i lehtë, por shumë gjatë i pritur
“Prej kohës së fundit që isha me Përfaqësuesen në Prishtinë, kemi rënë në kontakt me Prishtinën, kryetarin Remzi Ejupi…
