Zelenskyt i jepet medalja “shqiponja e bardhë” nga homologu polak

Gjatë takimit të sotëm të presidentit ukrainas Volodymyr Zelensky dhe homologut të tij polak Andrzej Duda, është parë një frymë miqësia dhe sinqeriteti.

Zelensky dhe gruaja e tij u pritën në Varshavë nga nikoqiri, që gjithashtu ishte i shoqëruar nga gruaja, transmeton Telegrafi.

Presidentit ukrainas i është dhënë medalja e “urdhrit të shqiponjës së bardhë”, që është një tregues tjetër i marrëdhënieve të shkëlqyera mes dy vendeve.

Lexo po ashtu Zelensky kalon kufirin për në Poloni, pritet të takohet me presidentin dhe kryeministrin në Varshavë

Ndërkaq vizita e Zelenskyt në Poloni nuk ishte paralajmëruar deri në momentet e fundit për arsye të sigurisë, ndërsa nga kabineti i Dudas ishte bërë e ditur qysh mbrëmë se Zelenskyt do të udhëtojë për në Varshavë.

Ndryshe Polonia është një prej vendeve që më së shumti ka ngritur zërin, dhe ka mbështetur Ukrainën që nga fillimi i pushtimit rus.

Madje i ka pranuar mbi një milion refugjatë ukrainas, dhe ka dërguar sasi të mëdha armës përfshirë aeroplanët MiG. /Telegrafi/