Pierre-Emerick Aubameyang po e finalizon kalimin te Barcelona nga Arsenali.
Sulmuesi gabonez i ka përkeqësuar raportet me The Gunners, dhe duket se opsioni i vetëm që i ka mbetur – është largimi.
Lojtari tashmë gjendet në Barcelonë për t’i përfunduar testet mjekësore dhe në orët e pasdites do të prezantohet si lojtar i katalunasve.
Por, sa do të fitojë në javë Aubameyang te Blaugranasit?
Sipas asaj që raporton BarçaTimes, gabonezi do të fitojë plotë 100 mijë euro në javë, një shumë tejet e reduktuar, pasi te Topçinjtë fiton 350 mijë në javë.
Confirmed by @RogerTorello #FCBlive ✅ https://t.co/eEeUgydRqU
— Shay Lugassi (@Shlugassi) January 31, 2022
Raportohet se Aubameyang do të jetë vetëm në formë huazimi te Barcelona, pa të drejtë blerje, por konfirmimi zyrtar pritet ta qartësojë situatën.
Lojtari 32-vjeçar me gjasë do të tentojë që të tregojë vetën në Camp Nou, që të mbyllë kalimin e tij në formë të përhershme. /Telegrafi/