Sipas Sky Sport Italia, Barcelona i ka ofruar një marrëveshje trevjeçare mesfushorit të Interit, Marcelo Brozovic, por katalanasit duket se nuk duan të përballojnë ofertën prej 23 milionë eurosh të Al-Nassr.
Kroati është në bisedime me klubin saudit pasi Nerazzurrët i lejuan ata të negociojnë me yllin e tyre të mesfushës.
Megjithatë, 30-vjeçari ka kërkuar 30 milionë euro në sezon, 10 milionë euro më shumë se sa ofron aktualisht Al-Nassr.
Eksperti i transferimeve të Sky Sport Italia, Emanuele Baiocchini, konfirmoi se Barcelona mbetet e interesuar për lojtarin.
Katalunasit thuhet se kanë ofruar një marrëveshje trevjeçare me një rritje të pagës. Do të ishte 7 milionë euro në sezonin e tij të parë në Camp Nou, 8 milionë euro në 2024-2025 dhe 9 milionë euro në 2025-2026.
Megjithatë, kampionët e La Ligës nuk duan të paguajnë më shumë se 18-19 milionë euro për Brozon, ndaj Interi preferon ofertën e Al-Nassr.
Brozovic është i hapur për t’u transferuar në Ligën Pro Saudite për sa kohë që kërkesat e tij për paga plotësohen. Ai madje do të pranonte një marrëveshje dyvjeçare. Përndryshe, ai do të preferonte të qëndronte në Evropë dhe të nënshkruante me Barcelonën, por në këtë rast, katalanasit duhet të rrisin ofertën e tyre për Nerazzurrët.
Mesfushori aktualisht fiton 6.5 milionë euro në sezon dhe kontrata e tij në Stadio Meazza skadon në qershor 2026. /Telegrafi/