Fidan Aliti është në listën e transferimeve të gjigantit turk Besiktas.
Kampionët e shumëfishtë të Turqisë duan ta përforcojnë repartin defensivë dhe e shohin mbrojtësin kosovar si të duhurin për atë pozitë.
26-vjeçari përveç qendrës së mbrojtjes mund të luaj edhe si mbrojtës i majtë dhe kjo i jep përparësi atij.
Aliti iu bashkua në janarin e vitit të kaluar skuadrës suedeze Kalmar për një shumë prej 150 mijë euro nga Skënderbeu.
Por klubi shqiptar ka mbajtur 25% të kartonit të lojtarit dhe pritet të fitojë nga transferimi i radhës i Alitit.
Vlera aktuale e Alitit në tregun e transferimeve është 550 mijë euro, por Kalmari dëshiron më shumë nga shitja e tij.
Sipas medieve suedeze dhe atyre turke Kalmar do ta lejonte largimin e Alitit nëse vije një ofertë prej një milionë eurove.
Kjo shumë nuk është fare problem për Besiktasin, ndërsa nëse ndodh ky transferim atëherë 250 mijë euro do t’i shkonin skuadrës korçare Skënderbeut. /Telegrafi/