Hetimet do të zbulojnë detajet në lidhje me arratisjen e Gruevskit, por pyetja mbetet si katër vende, miqtë tanë, kanë lejuar atë, tha kryeministri Zoran Zaev, duke u përgjigjur pyetjeve të gazetarëve pas vizitës së tij të punës në Strumicë.
“Unë jam i informuar nga Ministria e Brendshme dhe tani unë e di tani se deri ku kanë arritur punët dhe unë besoj se shumë shpejt opinionit do t’i zbulohen detajet e asaj që ka ndodhur në vend, sepse ne e dimë se çfarë ka ndodhur në Shqipëri, Mal të Zi, Serbi dhe Hungari . Pyetja mbetet se si miqtë tanë, katër vende kanë lejuar atë dhe natyrisht mbetet pyetja se si ato tre anëtarë të NATO-s, duke demonstruar qeverisjen e së drejtës, duke thënë se atë në thonjëza, në një kohë kur shoqëria në Maqedoni, Kuvendi i Maqedonisë u përqendrua seriozisht në frymëzimin e madh për tu bërë anëtare e BE-së dhe NATO-s, kjo është pikërisht ajo që po ndodh. Por, për këtë janë hetimet, kështu që informacioni që do të pasojn do të ndahen me opinionin”, tha Zaev.
Kryeministri Zoran Zaev gjithashtu mohoi zërat se ai kishte komunikuar me Nikolla Gruevskin pak para largimit nga vendi, përcjell Telegrafi Maqedoni.
“Tamam puna, do të dalë që së bashku jemi dakorduar. Që kur unë jam kryeministër, për një vit e gjysmë, nuk kam kontakte me Gruevskin. Kontaktet e fundit ishin kur u kap, kur u bllokua Kuvendi në atë diskutim të pafund, përpara zhvillimit të ngjarjeve të këqija më 27 prill. Ajo ishte atje, në Kuvend, kur biseduam për zhbllokimin e procesit, ku ishte e qartë se shumica ekziston dhe të mos dënonim institucionet dhe Maqedoninë. Atëherë kanë qenë bisedimet e fundit”, u përgjigj Zaev pyetjes së gazetarëve gjatë vizitës së sotme në Strumicë./Telegrafi/