Kryeministri i Maqedonisë së Veriut Zoran Zaev sot realizoi takim me Kryeministrin e Kosovës Avdullah Hoti ku mbajtën edhe një konferencë të përbashkët për media.
Kryeministri Zaev theksoi se vendet tona kanë marrëdhënie të shkëlqyera bilaterale dhe bashkëpunim të mirë të udhëhequr nga principi i respektit të ndërsjellë.
Dëshmi e kësaj, theksoi Zaev, është edhe vizita e kryeministrit të Kosovës Avdullah Hoti e cila po realizohet në një situatë pandemike me COVID-19; njofton Telegrafi Maqedoni.
Zaev tha se presim rritjen e bashkëpunimit dypalësh, dhe në këtë kontekst presim rritjen e dialogut politik dhe mbajtjen e seancës e parë të përbashkët qeveritare kur do ta lejojnë kushtet këtë.
“Si rritje e bashkëpunimit është edhe dërgesa e ushtarëve të Maqedonisë në kuadër të KFOR-it në Kosovë, e cila do rritë stabilitetin e mëtejshëm si në Kosovë ashtu edhe në rajon”, tha Zaev.
Ai theksoi se ekonomitë tonë sipas kontrolleve kanë për qellim bashkëpunimin dhe rritjen e kapaciteteve në mes dy shteteve. “Në këtë kontekst është edhe ndërtimi i autostradës është e rëndësishme jo vetëm për të dy rajonet por për gjithë rajonit”, shtoi Zaev.
Zaev tha se shenjë e bashkëpunimit të mirë është edhe hapja e pikës kufitare Bellanoc-Stançiq.
“Për Maqedoninë e Veriut padyshim Kosova është partneri më i rëndësishëm ekonomik” deklaroi Kryeministri i Maqedonisë.
Kryeministri Zaev gjithashtu përshëndeti nënshkrimin e marrëveshje ekonomike në mes Kosovës dhe Serbisë në Shtëpinë e Bardhë./Telegrafi/
