Mesfushori i Real Madridit, Marco Asensio beson se nuk ka vend për Lionel Messin në formacionin e kampionëve evropianë.
Asensio, 21 vjeç, është lidhur me një largim nga gjigantët e La Ligës, por pritet të nënshkruajë një marrëveshje të re me Madridin.
Disa lojtarë nga skuadra e Zinedine Zidanes janë të lidhur me largim pasi kërkojnë më shumë kohë të lojës duke përfshirë James Rodriguez dhe Alvaro Morata.
Por, Asensio është i lumtur edhe kështu siç është me skuadrën nga Madridi, duke thënë se edhe ylli i Barcelonës dhe Argjentinës, Messi, nuk mund të shtohen në skuadër pasi janë të kompletuar.
“Jo tani”, ka thënë fillimisht Asensio për gazetën Marca kur u pyet nëse Messi do të përshtatet në Madrid.
“Skuadra është shumë e mirë ashtu siç është. Nëse qëndrojmë ashtu siç jemi, jemi të kompletuar”, përfundoi spanjolli.
Asensio bëri 23 ndeshje në La Liga në sezonin 2016-17, duke shënuar tre gola. /Telegrafi/