Carney Chukwuekemeka u pa duke u larguar nga stadiumi i Londrës me paterica pas humbjes 3-1 të Chelseat ndaj West Hamit.
Mesfushori mezi po ecte edhe me ndihmën e patericave dhe duket se ai do të jetë jashtë fushës për disa muaj.
Anglezi shënoi golin e vetëm të Bluve, por pësoi një lëndim në gju në kohën shtesë të pjesës së parë.
Mesfushori u detyrua të dilte nga fusha pasi lëndimit, duke shkatërruar atë që mund të ishte një natë e paharrueshme për të, pasi i riu shënoi golin e tij të parë në fanellën e Chelseat.
Mauricio Pochettino u pyet për të dhënë një përditësim mbi Chukwuemeka: “Do të shohim nesër. Do të vlerësohet nga mjeku”.
“Tani ne duhet ta vlerësojmë atë, nesër. Shohim se çfarë ndodhi me gjurin e tij. Ishte me të vërtetë fat i keq”.
Chelsea është goditur nga lëndimet në këtë fillim sezon, ndërsa mungesa më të gjata janë Christopher Nkunku dhe Reece James, që do të mungojnë me muaj. /Telegrafi/
Carney Chukwuemeka leaving the stadium on crutches tonight 😢 [@iamrahmanosman] pic.twitter.com/tQb5a8y3wg
— CFC-Blues (@CFCBlues_com) August 20, 2023