Bukuroshja Juliana Nura, ka qenë një prej konkurrenteve më të zëshme të edicionit të parë të Big Brother VIP Kosova.
Ende pas një viti, ajo vazhdon të komentohet për të bëmat e saj në shtëpinë më të famshme në Kosovë, ku ishte shquar si një prej konkurrenteve më të forta dhe kishte arritur deri në finale.
Së fundmi, Xhuli ka ndarë me ndjekësit e saj në Instagram një prej momenteve më të pakëndshme, të ndodhura gjatë aventurës së saj në Big Brother VIP Kosova.
Bëhet fjalë për momentin kur bukuroshja drenicase ishte dërguar me urgjencë në spital nga shtëpia e BBVK në Qendrën Klinike Universitare të Kosovës (QKUK), për trajtim pas një helmimi.
“Kjo ishte një vit më parë pas një problemi me stomakun që pata brenda spektaklit Big Brother VIP Kosova. Ku ka shkuar koha? Judjemi keni jetuar me mua për katër muaj”, shkroi Nura në Instagram.
Xhuli në finalen e madhe ishte renditur e treta, ku njëherësh kishte rezultuar femra më e votuar e atij edicioni, i cili u fitua nga reperi Arkimed Lushaj – Stresi.
Për eksperiencën e saj të suksesshme në Big Brother VIP Kosova dhe karrierën e saj në përgjithësi, Xhuli ka folur pak javë më parë në një intervistë ekskluzive për Telegrafin.
Pas suksesit në BBVK, ajo pati një paraqitje të shkëlqyer dhe një rrugëtim mjaft të suksesshëm edhe në spektaklin e vallëzimit, ‘Dancing With The Stars Albania’. /Telegrafi/
