Wolverhampton Wanderers janë të gatshëm të shpenzojnë plot 80 milionë euro për të sjellë lojtarin e Realit të Madridit, James Rodriguez në Molineux Stadium këtë verë.
Reprezentuesi kolumbian është përpjekur të marrë kohë loje te Reali, por ka përfunduar në bankinë dhe i pashfrytëzuar thuajse në çdo ndeshje.
Tani, sipas mediumit The Sun, ekipi anglez, Wolves tashmë ka kontaktuar me super agjentin Jorge Mendes për të pyetur në lidhje me çmimin e James.
Ujqit janë të gatshëm të shesin yllin Raul Jimenez për të lehtësuar lëvizjen e mundshme të yllit kolumbian.
Real Madridi nënshkroi 28-vjeçarin nga Monaco në vitin 2014 pas shfaqjeve të tij të jashtëzakonshme me Kolumbinë në Kupën e Botës.
Ndërkohë, Wolves aktualisht zë vendin e gjashtë në Ligën Premier, pesë pikë më pak se vendi që dërgon në Ligën e Kampionëve.
Interesim për transferimin e kolumbianit kanë shprehur edhe Arsenali dhe Evertoni. /Telegrafi/