Mesfushori portugez, William Carvalho ka vendosur që të largohet përfundimisht nga skuadra e tij Sporting Lisbona.
Kapiteni i ekipit portugez po dëshiron një aventurë të re në ndonjë klub më të madh evropian.
Edhe pse kontrata e tij skadon në qershorin e vitit 2020, Carvalho ka një klauzolë largimi prej 45 milionë euro.
Lajmi për largimin e tij nga Sportingu ka alarmuar skuadrat e mëdha evropiane të cilat po e duan transferimin e tij.
Liverpool dhe Arsenal janë në garë që ta transferojnë portugezin në kampionatin anglez.
Ndërkohë Roma është duke e monitoruar situatën e tij nga Serie A dhe Monaco e Borussia Dortmund gjithashtu janë në garë.
Ditë më parë Carvalho ka refuzuar një ofertë të mirë financiare nga kampionati kinez.
Tianjin Quanjin i ofroi pagë prej gjashtë milionë eurove në stinor, por reprezentuesi i Portugalisë e refuzoi këtë ofertë. /Telegrafi/