West Ham ka bërë një ofertë të përmirësuar prej 35 milionë euro për Harry Maguire dhe po pret të dëgjojë përgjigjen nga Manchester United.
Djajtë e Kuq thuhet se refuzuan një ofertë prej rreth 25 milionë eurosh për reprezentuesin anglez.
West Ham po kërkon përforcime këtë verë dhe aktualisht janë klubi i vetëm në Ligën Premier që nuk kanë bërë përforcime.
David Moyes dëshiron Maguiren, por është e dyshimtë se ata do të vazhdojnë të shtyjnë duke pasur parasysh madhësinë e pagës së tij dhe gjithashtu të paqartë nëse qendërmbrojtësi anglez do të ishte i etur për të bërë këtë lëvizje.
Lojtari ka humbur vendin e titullarit nën urdhrat e Erik ten Hag dhe bëri vetëm 16 paraqitje në Ligën Premier sezonin e kaluar, me Lisandro Martinez, Raphael Varane dhe Victor Lindelof të preferuar në mbrojtjen qendrore.
30-vjeçari u hoq gjithashtu nga posti kapitenit të United nga Ten Hag përpara sezonit të ri. Kontrata e tij është deri në vitin 2025. /Telegrafi/