Timo Werner do të largohet nga Chelsea pas dy vitesh qëndrim në klubin londinez.
Sulmuesi gjerman nuk ka arritur të përshtatet me futbollin anglez dhe durimi i Chelseat ka mbaruar.
E ardhmja e tij pritet të jetë sërish në Gjermani dhe përsëri tek skuadra RB Leipzig.
Werner është gati të sakrifikojë pagën e tij për t’u rikthyer tek ekipi ku shkëlqeu dhe bëri famë në futbollin evropian, RB Leipzig.
Gazeta e madhe gjermane Sport Bild ka shkruar se sulmuesi ka pranuar të përgjysmojë pagën për të luajtur sërish në Bundesligë.
Gjermani përfiton mbi 260 mijë funte në javë nga kontrata me Chelsea, derisa te Leipzig do të fitojë 130 mijë funte.
Tanimë dy klubet janë duke biseduar për të gjetur një marrëveshje, por Werner pritet t’i bashkohet Leipzigut si huazim me klubin gjerman që kanë të drejtën e blerjes së kartonit në fund të sezonit.
Interesim për reprezentuesin gjerman kishin shfaqur edhe skuadra tjera si Bayern Munich, Borussia Dortmund, Juventus e Newcastle United, por Leipzig ishin më të shpejtë për të gjetur marrëveshje me gjermanin. /Telegrafi/