Roc Nation Sports është kompania e reperit amerikan Jay Z, ndërsa ka blerë 51 për qind të agjencisë braziliane TFM, e cila përfaqëson futbollistë si Vinicius Jr, Endrick dhe Gabriel Martinelli, duke marrë kështu një aksion kontrollues.
TFM do të riemërohet në Roc Nation Sports Brazil dhe do të vazhdojë të funksionojë si më parë, nën kontrollin e partnerit të ri, i cili mund të marrë një aksion më të madh në vitet e ardhshme. Roc Nation Sports, me qendër në Shtetet e Bashkuara që ka edhe një filial në Londër, u fokusua në sporte të tjera si basketbolli me ligën NBA, futbolli amerikan NFL dhe bejsbolli MLB.
Interesi i tyre për futbollin filloi me marrëveshjet si ajo me, Kevin De Bruyne dhe Romelu Lukaku dhe u zhvillua relativisht kohët e fundit. Me këtë marrëveshje, TFM synon të rrisë shtrirjen e lojtarëve që përfaqëson në një nivel më global.
Si pjesë e betejës së vazhdueshme të Vinicius Jr kundër abuzimit racor që ai ka pësuar në Spanjë, braziliani tani do të marrë mbështetjen mjaft unike të një kompanie që strehon shumë sportistë dhe artistë me ngjyrë.
Shifrat e marrëveshjes nuk janë bërë të ditura. Sipas Forbes, pasuria e Jay Z arrin në më shumë se 2.5 miliardë dollarë.
Megjithatë, këngëtari dhe biznesmeni nuk do të luajë një rol aktiv në aktivitetin e tij të ri në Brazil, me pjesëmarrjen e tij më shumë në një rol përfaqësues. /Telegrafi/
Heeeeey, Jay Z!!! Te esperando no Brasil 😅 https://t.co/fmD9GVJ1dE
— Vini Jr. (@vinijr) July 7, 2023