Manchester Unitedi është lidhur me Paulo Dybalan qe disa muaj për ta transferuar nga Juventusi, sipas mediave në Angli.
Trajneri i Djajve të Kuq, Ole Gunnar Solskjaer, është duke tentuar që ta ndërtojë një skuadër të re, pasi në sezonin që lamë pas, dështuan të kualifikohen në Ligën e Kampionëve.
Argjentinasi është duke u lidhur me një kalim te Djajtë e Kuq që disa herë dhe spekulimet se ai mund të largohet nga Juventusi janë vërtetuar edhe nga vëllai dhe agjenti i tij, Gustavo.
Ai i ka thënë radios argjentinase Futbolemico: “Po, është një mundësi e mirë që ai të largohet nga Juventusi në verë, absolutisht. Atij i duhet një ndryshim në këtë afat. Nuk mund të them se ku do të shkojë, por është një mundësi e madhe që ai do të largohet nga Juventusi në afatin kalimtar të kësaj vere”, ka thënë Gustavo.
Dybala ka shënuar vetëm pesë gola në këtë sezon, duke e krahasuar me sezonin e kaluar kur i shënoi 22 gola, e që mbeti nën hijen e Cristiano Ronaldos. /Telegrafi/