Oleksandr Usyk është parë duke u nisur për në Ukrainë, ndërkohë që i ka pasur sytë e nxirë pas meçit për titujt e botës në kategorinë e peshave të rënda kundër Anthony Joshua.
Ukrainasi i mbrojti titujt pas vendimit të gjyqtarëve (115-113, 113-115, 116-112) të shtunën mbrëma në King Abdullah Sport City Arena në Jeddah të Arabisë Saudite.
Kampioni i unifikuar në kategorinë e peshave të rënda (WBA, IBF, WBO dhe IBO) është parë në aeroportin Jeddah International duke u kthyer në shtëpi.
Oleksandr Usyk leaving Saudi Arabia after beating Anthony Joshua…
[🎥 BigMazi] pic.twitter.com/9drssXiHVJ
— Michael Benson (@MichaelBensonn) August 21, 2022
Kur është pyetur si është ndier pas fitores, ai është përgjigjur: “Unë po ndihem, shumë po ndihem”.
Në ndërkohë, thuhet se Usyk nuk do të jetë kohë për të pushuar, pasi data 17 dhjetor po përmendet si opsion për duelin e unifikimit me Tyson Furyn, po në Arabinë Saudite – pak para fillimit të Kampionatit Botëror të futbollit në Katar. /Telegrafi/
