Bashkimi Evropian (BE) planifikon pakon e re të sanksioneve kundër Moskës, në prag të 1-vjetorit të pushtimit rus në Ukrainë, ka bërë të ditur sot presidentja e Komisionit Evropian, Ursula von der Leyen, e cila po qëndron në Kiev së bashku me zyrtarë tjerë të lartë të BE-së.
“Deri më 24 shkurt, pikërisht në 1-vjetorin e fillimit të pushtimit rus në Ukrainë, kemi për qëllim që të vendosim pakon e dhjetë të sanksioneve”, shtoi von der Leyen gjatë një konference të përbashkët me presidentin ukrainas Volodymyr Zelensky, transmeton Telegrafi.
Sanksionet aktuale “kanë dobësuar ekonominë ruse”, theksoi von der Leyen në Kiev, duke bërë të ditur se kufizimi i çmimit të naftës në, i ka kushtuar Moskës rreth 160 milionë euro në ditë.
Presidentja e Komisionit Evropian falënderoi përpjekjet e Kievit për ta luftuar korrupsionin në Ukrainë, që është një prej çështjeve kyçe për të ardhmen e këtij vendi dhe anëtarësimin në BE.
Ndryshe sot në Kiev kanë udhëtuar zyrtarët më të lartë të BE-së, ku janë takuar me presidentin ukrainas Volodymyr Zelensky dhe kabinetin e tij. /Telegrafi/