Manchester Unitedi ka përpiluar listën e dëshirave për transferime gjatë afatit kalimtar të verës, ku spikasin disa nga talentet më të mëdhenj anglez.
Ole Gunnar Solskjaer është afër të fitojë punën e përhershme si trajner i Unitedit pas rezultateve pozitive pas ardhjes në detyrë pas shkarkimit të Jose Mourinhos.
Kështu, trajneri norvegjez ka filluar të bëjë plane për transferime të reja gjatë verës, ku spikasin disa nga talentet më të mëdhenj anglez.
Sipas mediumit The Sun, Djajtë e Kuq janë gati të lëvizin në verë për transferimin e Jadon Sanchos nga Borussia Dortmundit, Aaron Wan-Bissaka i Crystal Palace dhe Declan Rice nga West Hami.
Sancho është 19-vjeçar, Rice ka mbushur 20 vjeç, ndërsa Wan-Bissaka është 21-vjeçar dhe po shkëlqejnë me ekipet e tyre aktuale duke rënë në radarin e Unitedit.
Në listën e dëshirave të klubit nga Old Trafford gjendet edhe objektivi i kamotshëm, Harry Maguire i Leicester Cityt, i cili do të synohet pas treshes së talentuar. /Telegrafi/