Manchester United i është futur garës për transferimin e Justin Kluivertit.
Talenti i madh holandez ka shkëlqyer këtë edicion me fanellën e Ajaxit në Eredivisie.
Në 13 ndeshjet e para, Kluivert ka shënuar katër gola dhe ka dhuruar po aq asistime.
Kësisoj djaloshi i artë holandez është futu në listën e transferimeve të Manchester United.
Sipas medieve angleze ‘Djajtë e Kuq’ kanë nisur kontaktet me Ajaxin për sulmuesin e talentuar.
Kluivert është duke u kërkuar edhe nga Milani që gjithashtu ka nevojë për ta përforcuar repartin ofensivë.
Megjithatë Ajaxi ka një kërkesë prej 20 milionë euro për ta lënë të lirë yllin e tyre të largohet.
Kluivert është rritur në akademinë e Ajaxit dhe ka kontratë me gjigantin holandez deri në verën e vitit 2019. /Telegrafi/