Ukrainasit bombardojnë bazën e ushtrisë private të Putinit – pjesëtarët e Wagnerit e pësojnë keq nga sistemi raketor HIMARS

Një prej lokacioneve të ushtrisë private Wagner në Popasna të Ukrainës, është goditur nga forcat ukrainase.

Këtë e ka konfirmuar përmes kanalit në Telegram, korrespondenti ushtarak Yuri Kotenok, transmeton Telegrafi.

Sipas tij, burime brenda Donbasit konfirmojnë këtë informacion. Konetok gjithashtu ka njoftuar se sulmi është realizuar me sistemin e avancuar raketor amerikan HIMARS.

Lexo po ashtu Shkuan për të marrë rreze dielli, mina shpërthen në ujë në një plazh në Odesa – alarmohen pushuesit

Siç raporton Odesa Journal, në këtë sulm e ka pësuar edhe një prej themeluesve të ushtrisë private të Vladimir Putinit, Jevgeni Priogizin.

Në këtë sulm e kanë pësuar me jetë shumë ushtarë rusë, por ka edhe shumë të plagosur.

E më herët ishte raportuar se pjesëtarët e Wagnerit ishin stacionuar në këtë rajon, ku pasi janë vërejtur nga forcat ukrainase janë sulmuar me HIMARS. /Telegrafi/