Ukraina i ka shkaktuar dëme të mëdha forcave ushtarake ruse dhe pajisjeve të tyre

Agresioni në Ukrainë po i kushton shumë Rusisë, pasi forcat ukrainase i kanë shkaktuar dëme të konsiderueshme forcave ushtarake ruse dhe pajisjeve të tyre, sipas Ministrisë së Mbrojtjes së Mbretërisë së Bashkuar.

Brenda natës, raporti ditor i Ministrisë së Mbrojtjes – postuar në Twitter – thoshte se të paktën një nga tanket “më të avancuar” të Rusisë, T-90M, ishte shkatërruar gjatë luftimeve, përcjell Telegrafi.

Lexo po ashtu Urdhri i Putinit për të goditur Perëndimin me armë bërthamore ‘do të injorohet sepse komandantët mendojnë se ai po vdes’, pretendon një ekspert

Kështu, Ministria e Mbrojtjes tha se “do të duhet kohë dhe shpenzime të konsiderueshme që Rusia të rindërtojë forcat e saj të armatosura pas këtij konflikti”.

Raporti shtoi: “Do të jetë veçanërisht sfiduese për të zëvendësuar pajisjet e modernizuara dhe të avancuara për shkak të sanksioneve” të cilat parandalojnë qasjen në mikroelektronikën thelbësore.

T-90M, i cili vjen me forca të blinduara të përmirësuara të dizajnuara për t’iu kundërvënë armatimit antitank, është një nga 100 tanket e tillë të dislokuar nga forcat më të pajisura ruse.

Por tanku “mbetet i prekshëm nëse nuk mbështetet nga elementë të tjerë të forcës”, ka deklaruar Ministria e Mbrojtjes. /Telegrafi/