Shoferi i një motoçiklete në Britani të Madhe ka shkaktuar një aksident të tmerrshëm, kurse pamjet e këtij momenti janë filmuar nga një kamerë e vendosur brenda një veture.
Derisa po parakalonte veturat tjera, nuk kishte parë se një veturë që e kishte përballë po kthehej, transmeton Telegrafi.
Ishte Stavius Gordon, 31-vjeç, i cili u përplas direkt me një veturë të hirtë të tipit Audi, ku nga fuqia e madhe motoçikleta shpërtheu, kurse vetë ai fluturoi mbi veturë.
Ngjarja ka ndodhur më 9 shtator të vitit të kaluar, ku nga goditja Gordon humbi njërin gisht të këmbës, kurse gjykata ka filluar procesin gjyqësor kundër tij, ku rëndojnë disa pika të aktakuzës, e ndër to është edhe ajo për vozitje të rrezikshme.
Në anën tjetër, vetura Audi me të cilën u përplas është shkatërruar plotësisht, e ajo çfarë po cilësohet si “mrekulli” është fakti sesi Gordon i shpëtoi më të keqes, duke marrë parasysh se motoçikleta shpërtheu dhe u përfshi nga zjarri. /Telegrafi/
