Tyson Fury thotë se e dinte se Anthony Joshua do të humbiste kundër Andy Ruizit.
Boksieri britanik pohoi se tashmë ish-kampioni i botës ishte e qartë se do të pësonte humbje kundër meksikanit pasi që shihej se vazhdimisht ishte konfuz dhe po djersitej.
“Të jemi të sinqertë, ne e shihnim se AJ se do të humb në Las Vegas. E pashë Joshuan duke shkuar në kënd tejet të djersitur, gjersa Ruiz ishte plotësisht i thatë”, tha ai.
“Ai dukej sikur nuk donte të ishte atje. Unë nuk e di se çfarë kishte në mendjen e tij, por unë i thash që të dorëzonte ballafaqimin. Gjuha e trupit tregonte se nuk po ngrohej siç duhet dhe nuk donte të ishte atje”, pohoi Fury.
Pavarësisht se Joshua nuk donte të ishte në ring, Fury vlerësoi performancën e Ruizit dhe pohoi se muskujt nuk iu sjellin fitoren.
“Mendova se Ruiz bëri pikërisht atë që duhej të bënte dhe ishte më i mirë në ring”, tha ai duke shtuar se “Kjo nuk është një garë për ndërtimin e trupit apo kush është në formën më të mirë. Kjo ka të bëjë me madhësinë e mendjes dhe shpirtit të zemrës”.
Ndryshe, promotori i boksit, Eddie Hearn ka konfirmuar se dyshja do të ballafaqohen sërish, pasi që Ruiz ka pranuar rimeçin me Joshuan. /Telegrafi/
