Turpi i FIFA-s: Ramos dhe Marcelo futen në formacionin më të mirë të vitit, Robertson e Arnold mbetën jashtë

Marcelo dhe Sergio Ramos u futen në formacionin ‘FIFPro World XI’, derisa dyshja e Liverpoolit, Andy Robertson dhe Trent Alexander-Arnold janë lënë jashtë, gjë që nuk ka kuptim.

Për shumë futbolldashës, dyshja e The Reds janë mbrojtësit më të mirë aktualisht në botë, mirëpo që kanë mbetur jashtë formacionit më të mirë të vitit.

Braziliani dhe spanjolli u votuan nga futbollistë profesionist për formacionin e vitit edhe pse kishin statistikat të tmerrshme në sezonin e kaluar.

Dy lojtarët e ndihmuan Liverpoolin që ta fitonte titullin e gjashtë të Ligës së Kampionëve, duke e mposhtur Tottenham Hotspurin në finalen e Madridit, fituan Superkupën e Evropës kundër Chelseat dhe përfunduan në vendin e dytë në Ligën Premier me 97 pikë.

Alexander-Arnold ishte po ashtu pjesë e skuadrës së Anglisë që e fituan vendin e tretë në Ligën e Kombeve në këtë verë.

Lexo po ashtu Zyrtare: Formacioni më i mirë apo ‘FIFPro World XI’ - Messi e Ronaldo në sulm, Van Dijk e De Jong pjesë e më të mirëve

Ramos dhe Marcelo nuk ishin as afër formës së tyre më të lartë në sezonin e kaluar, pasi u eliminuan në 1/8 e finales s garës më të madhe për klube në Evropë dhe që përfunduan në vendin e tretë në La Liga.

Dyshja e Liverpooli dhuruan 23 asistime për bashkëlojtarë në edicionin 2018/19, gjersa e humbën titullin e ligës angleze nga Manchester City për një pikë. /Telegrafi/