Prezantuesi i njohur, Turjan Hyska shpesh herë ka trajtuar tema interesante me të ftuar special në emisionin e tij “Oktapod”.
Pjesë e këtij emisioni shumë herë janë bërë edhe figura të njohura nga politika kosovare.
Megjithatë, të rralla kanë qenë rastet kur mund të ketë pasur debat në emisionin e tij, e një debat i eskaluar në dhunë që ndodhi mbrëmë (e premte) në Klan Kosova, duket t’ia ketë tërhequr vëmendjen.
Fjala është për rrahjen mes deputetëve Frashër Krasniqi dhe Milaim Zeka, ngjarje e cila ndodhi në televizionin Klan Kosova.
https://www.youtube.com/watch?v=IFLKb1I7gys
Me satirë ose thumbim, Turjani ka publikuar sot një fotografi të deputetit të Lëvizjes Vetëvendosje, Frashër Krasniqit në InstaStory, në mbishkrimin e së cilës e ka krahasuar atë me boksierin e famshëm amerikan.
“Maywether para takimit”, shkruante ai përbri fotografisë, në të cilën shfaqej deputeti Krasniqi gjatë një prononcimi për media. /Telegrafi/
