Presidenti amerikan Donald Trump gjatë vizitës së tij në Britani të Madhe, përveç takimeve që do t’i zhvillojë me Boris Johnson dhe Nigel Farage, pritet të takohet edhe me mbretëreshën Elizabeth II si dhe kryeministren Theresa May
Aeroplani presidencial i njohur si “Air Force One” ka aterruar në orët e para të mëngjesit në aeroportin e Londrës, Stansted, brenda të cilit ishte edhe Zonja e Parë, Melania Trump, transmeton Telegrafi.
E sa i përket takimit me Theresa May të cilën e kishte kritikuar më herët për mënyrën se si e kishte trajtuar procesin e Brexitit, Trump pritet të diskutojë për ndryshimet klimatike dhe kompaninë kineze të teknologjisë informative Huawei.
E pas ceremonisë mikpritëse në pallatin mbretëror Buckingham nga mbretëresha Elizabeth II, ai do të pijë çaj me princin Charles. E për mbrëmje është paraparë një gala mbrëmje.
US President Donald Trump arrives in UK for three-day state visit
Follow latest updates: https://t.co/4zaqzAiNZz #TrumpUKVisit pic.twitter.com/7LSJrnlaeZ
— BBC Breaking News (@BBCBreaking) June 3, 2019
Me rastin e vizitës në Evropë, presidenti amerikan do të marrë pjesë në ngjarjen komemorative me rastin e 75-vjetorit të Ditës D për të nderuar të rënët për çlirimin e Evropës nga nazizmi. /Telegrafi/