Nuk do të jetë lehtë për Romelu Lukakun që të qëndrojë te Interi, pasi duhet të plotësohen tri kushte që ai të mos kthehet te Chelsea.
29-vjeçari ka nisur ta rigjejë formën e tij duke shënuar dy gola dhe duke dhuruar katër asistime në katër ndeshjet e fundit në Serie A.
Nerrazzurrët e rikthyen belgun nga Blutë në verë formë huazimi deri në fund të këtij sezoni.
La Gazzetta dello Sport raporton se duhet të plotësohen tri kushte për qëndrimin e mëtutjeshëm të Lukakut te zikaltrit.
I pari, trajneri i ri i Chelseat (që mund të jetë Mauricio Pochettino) të mos e dëshirojë qëndrimin e sulmuesit në Stamford Bridge.
I dyti, Interi duhet ta sigurojë kualifikimin në Ligën e Kampionëve, gjë që do të vendoset në ndeshjet finale të sezonit.
Dhe, i treti, Chelsea duhet të pranojë shumë më të vogël parash për huazimin e radhës së Lukakut, i cili po ashtu duhet ta ulë pagën për të qëndruar në Giuseppe Meazza. /Telegrafi/