Milot Rashica me shumë gjasë do të ndryshojë ambient në afatin kalimtar të kësaj vere.
Anësori shqiptar do të largohet nga Werder Bremeni, pasi skuadra është shumë afër të bije nga Bundesliga.
Der Spiegel raporton se Wolverhampton Wanderers, Aston Villa dhe West Ham United janë futur në garë për transferimin e Rashicës.
23-vjeçari po kalon formën të mirë në këtë edicion dhe në garë po ashtu është edhe Borussia Dortmundi që e sheh si zëvendësues të Jadon Sanchos.
Por, Liverpooli thuhet se është duke i prirë garës dhe dëshiron që të transferojë atë në fund të këtij sezoni.
Rashica te skuadra gjermane deri më tani ka shënuar dhjetë gola dhe ka bërë pesë asistime në 24 paraqitje.
Vlera e tij aktuale në treg është 28 milionë euro edhe pse ajo kishte shkuar në 35 milionë, mirëpo shkaku i krizës ekonomike të shkaktuar nga coronavirusi ajo ka rënë. /Telegrafi/