Juventusi pritet të jetë një nga klubet më të zëna të Serie A në janar dhe tre lojtarë të Chelseat janë ndër shumë lojtarët e lidhur me një lëvizje në Torino në afatin e ardhshëm kalimtar dimëror.
Gjigantët e Serie A, Juventusi do të kërkojnë të paktën një mbrojtës të ri në janar, duke qenë se Gleison Bremer dhe Juan Cabal kanë pësuar lëndime në gju dhe nuk pritet të kthehen në fushë këtë sezon.
Emri i Milan Skriniar të Paris Saint-Germain, një ish-mbrojtës i Interit dhe Sampdorias, thuhet se është i lartë në agjendën e bardhezinjve, por shumë qendërmbrojtës të tjerë thuhet se janë në radarin e Zonjës së Vjetër.
Sipas mediumit italian Gazzetta dello Sport, mes tyre është edhe Benoit Badiashile i Chelseat.
Blutë kanë edhe dy lojtarë tjerë që thuhet se kanë tërhequr interesin e Bianconerëve: reprezentuesin anglez Ben Chilwell dhe talentin e Italisë U21, Cesare Casadei.
(TS) “Discorsi di mercato Juventus-Chelsea: non solo Chilwell, sondato Casadei che potrebbe tornare utile in caso di partenza di Fagioli” ► https://t.co/I6nhUBdFtM pic.twitter.com/Jx6S6PclaL
— VecchiaSignora.com (@forumJuventus) November 22, 2024
Sipas gazetës Tuttosport, Chilëell shihet si një zëvendësues i mundshëm për Cabal, i cili është përdorur kryesisht si mbrojtës i majtë këtë sezon.
Në të njëjtën kohë, Casadei, lojtari i fundit i Chelseat i lidhur me një lëvizje në Allianz Stadium, mund të bëhet një objektiv konkret nëse Nicolo Fagioli largohet në janar. /Telegrafi/