Lojtarët e Chelseat thuhet se po i kërkojnë bordit të shkarkojë Mauricio Pochettinon pasi skuadra nuk po përfill më planet e tij.
Duket se ka trazira në rritje prapa skenave në Stamford Bridge, me disa yje të Blues që dyshohet se duan që trajneri argjentinas të zëvendësohet në fund të sezonit.
Ish-trajneri i Tottenhamit e ka pasur të vështirë ta bëjë skuadrën e tij të performojë, me problemet e ekipit të theksuara kur ata nuk mundën të mposhtin Burnleyn me 10 lojtarë në fundjavë.
Blutë u larguan nga fusha nën vërshëllime, me tifozët të pakënaqur me paraqitjet që po shohin çdo javë. Megjithatë, nuk janë vetëm tifozët ata që duket se janë të mërzitur me mënyrën se si po ecën klubi.
Sipas HITC, disa lojtarë të Chelseat ua kanë bërë të ditur ndjenjat e tyre drejtuesve të klubit se do të donin një trajner të ri sezonin e ardhshëm.
Pronarët Todd Boehly dhe Behdad Eghbali janë të interesuar për një plan tjetër, me drejtuesit kryesorë të Bluve tashmë duke mbështetur Pochettinon deri në fund të sezonit.
Pochettino do t’i kryqëzojë gishtat që skuadra e tij të mund t’i rikthehet fitoreve kur të luajë me Manchester United të enjten mbrëma, dhe një fitore patjetër do t’i qetësonte kritikët e tij. /Telegrafi/