Trajneri i Barcelonës, Quique Setien nuk e ka mohuar interesimin e madh që kanë për ALautaro Martinez, por ka thënë se ai do të flasë vetëm për lojtarët që i ka në dispozicion.
Blaugranasit ka kohë që lidhen me një transferim të 22-vjeçarit, derisa nuk kanë përjashtuar se mund të bëjnë një ofertë gjigante në këtë verë.
Interi është duke pritur që gjiganti i La Liga-s të aktivizojë klauzolën e sulmuesit argjentinas, që është 111 milionë euro, gjersa shpresojnë të bëjnë një marrëveshje shkëmbimi.
Gjatë një interviste për Movistar, Setien ishte pyetur nëse do t’i pëlqente të kishte në skuadër Lautaron, ndërsa nuk ka mohuar një gjë të tillë.
“Më pëlqejnë të gjithë lojtarët e mrekullueshëm”, ka thënë ai. “Por, nuk flas për lojtarë që nuk janë të Barcelonës”.
Skuadra katalunase mund të rrëmbejë lojtarin vetëm nëse ofron një shumë të parave dhe Arturo Vidalin e Nelson Semedon si pjesë të marrëveshjes. /Telegrafi/