Tottenham Hotspur janë të interesuar të marrin nga Milani spanjollin Suso këtë verë.
23-vjeçari ka bërë karrierë edhe më parë në Ligën Premier me Liverpoolin, por nuk mundi të gjej vend në formacionin titullar në ekipin e parë dhe u shit në Milan për 1.3 milionë euro në janar të vitit 2015.
Sipas gazetës spanjolle Marca, trajneri i Spursave, Mauricio Pochettino ka vënë vështrimet e tij në Suson për sezonin e ardhshëm.
Ata nuk janë të vetmit kandidatë, pasi Napoli edhe Roma janë lidhur gjithashtu me një ofertë për reprezentuesin spanjoll.
Kontrata e tij pritet të skadojë në qershor të vitit 2019 dhe deri më tani nuk ka pasur shenja të zgjatjes së kësaj kontrate.
Në këtë sezon, Suso kontribuoi me shtatë gola dhe 11 asistime në 37 ndeshje konkurruese për Milanin. /Telegrafi/