Gjithnjë e më shumë artistët e rinj artin e tyre po e shfaqin nëpër muret e Shkupit.
“Grafiti për mua është liri e shprehjes”, shprehet artisti Dejan Davçevski.
“Në të ardhmen mund të caktohet një seksion i veçantë ku çdo autor mund të shprehin kreativitetin legalisht dhe autorët e rinj duke u frymëzuar nga të vjetrit do të mund të fillonin me punë legale”, shton tutje Davçevski.
Grafiti si “subkultur” akoma është ilegal
Për Panden kultura e grafiteve është më shumë se vizatime të larmishme në mure.
“Unë mendoj se aktualisht ende nuk ka një kulturë specifike të grafiteve. Gjithçka është vërtet e institucionalizuar dhe rrjedh nga disa projekte. Nuk ka asnjë shkelje ligjore”, thotë artisti dhe muzikanti Panda Eftimov.
Nga ana tjetër Tirana ka një histori më të gjatë me këtë degë arti.
“Arti i mbishkrimeve, mesazhet që pasqyrojnë, problemet e qytetit, kaosin ose mjedisin, janë mesazhe që më flasin, prandaj i vlerësoj. Këtë lloj mesazhi duhet të ketë qyteti”, shprehet për Deutsche Wellen artisti Endri Beqo.
Të rinjtë i shijojnë fasadat e reja të ndërtesave të kryeqytetit.
“Grafitet kanë një botëkuptim tjetër të personave që i vizatojnë. Ata shprehin mendimet e tyre përmes grafiteve. Janë interesante dhe i japin ngjyra qytetit. Kjo i bënë ndërtesat të këndshme për syrin. Mendoj se duhet të ketë më shumë grafite të tilla pasi qyteti duket më i lezetshëm. Ata e shohin botën ndryshe, krijojnë gjëra që ndoshta të tjerët nuk i kuptojnë. Duke mos I kuptuar bëhen akoma më interesante”, shprehet qytetari Fatmir Xhari./Deutsche Welle/