Liverpooli fitoi ndaj Manchester Unitedit me rezultat 3-1 në derbin e javës në Ligën Premier.
Tani që ndeshja ka përfunduar tifozët kanë filluar të analizojnë momentet më të mira, ato që mund të na ikin gjatë ndeshjes për shkak të emocioneve të momentit.
Një nga ato ishte në fillimin e ndeshjes, ku gjatë një harkimi në zonë të Djajve të Kuq ishte Sadio Mane me mençurinë e tij që ia mohoi golin mysafirëve.
Sulmuesi i Liverpoolit shtyu Romelu Lukaku në pozitë jashtë loje, kështu belgu u bë aktiv në aksion dhe goli u anulua.
Pas gjithë kësaj tifozët e të dy skuadrave kanë reaguar në rrjetet sociale, duke thënë se futbolli luhet me mend dhe jo vetëm me fuqi fizike.
Golat për Reds i shënuan Sadio Mane (24′) dhe Xherdan Shaqiri (73′, 80′), kurse për Man Utd golin e vetëm e shënoi Jesse Lingard (33′).
Pas kësaj fitore Liverpooli renditet i pari në Ligën Premier me 43 pikë (një më shumë se Manchester City), kurse Unitedi në vendin e gjashtë me 26 pikë. /Telegrafi/
https://twitter.com/oddsonsteve/status/1074438010979188736