Gianluigi Donnarumma dhe partnerja e tij sapo janë bërë viktima të grabitjes në shtëpinë e tyre në Paris.
Megjithatë, portierit italian nuk është lojtari i parë i PSG-së që është grabitur në kryeqytetin francez.
Këtu janë tetë lojtarët e tjerë të PSG-së që janë grabitur ndër vite.
Presnel Kimpembe
Dy persona grabitën shtëpinë e mbrojtësit francez 27-vjeçar më 25 nëntor në Noisy-le-Roi. Sipas një burimi të afërt me rastin, dëmi llogaritet në 5000 euro.
Marquinhos
Më 14 mars 2021, Marquinhos u përball me një situatë zemërthyese. Ndërsa ai ishte duke luajtur, familja e tij përjetoi një incident traumatik – ata u grabitën dhe u sulmuan fizikisht. Mashtruesit u larguan me 1300 euro në para dhe një numër çantash luksoze.
Angel Di Maria
Shtëpia e Angel Di Maria ishte objekt i një grabitjeje të dhunshme në të njëjtën natë me atë të Marquinhos. Fillimisht, pati raportime që sugjeronin se anëtarët e familjes së Di Marias u morën peng gjatë thyerjes.
Megjithatë, më vonë u bë e qartë se gruaja dhe dy vajzat e Di Maria ishin lart në momentin e incidentit dhe e morën vesh më vonë.
Thiago Silva
Më 22 dhjetor 2018, hajdutët hynë në shtëpinë e tij dhe i vodhën një kasafortë. Kasaforta mbante sende me vlerë rreth 1.5 milion euro.
Dani Alves
Në shkurt 2019, shtëpia e Dani Alves u grabit gjatë një ndeshjeje të PSG kundër Montpellier. Dëmi sipas raportimeve mund të jetë mbi 10 mijë euro.
Eric Maxim Choupo-Moting
Ai ka përjetuar dy tentativa për grabitje. E para ka ndodhur më 28 nëntor 2018, në një ndeshje kundër Liverpoolit. Përpjekja e dytë ndodhi më 24 dhjetor të po atij viti. Në total gjatë këtyre incidenteve i janë vjedhur sende me vlerë 600 mijë euro.
Mauro Icardi
Më 30 janar 2021, teksa ai ishte në rrugë për të luajtur kundër Lorientit, hajdutët i vodhën bizhuteritë, orët dhe rrobat e tij, të gjitha në vlerë prej rreth 400,000 euro.
Sergio Rico
Vetëm disa ditë më parë, më 22 janar, shtëpia e Sergio Ricos u grabit. Hajdutët kanë vjedhur sende, ora dhe bizhuteri, të gjitha me vlerë rreth 25 mijë euro. /Telegrafi/